सिटि होटलको हकप्रद शेयर र गरिमा समृद्धि योजनाको लाभांश सुरक्षित गर्ने आज अन्तिम दिन

काठमाडौं, साउन २६।  सिटि होटल लिमिटेड (CITY) को हकप्रद शेयर तथा गरिमा समृद्धि योजनाको (GSY) लाभांश सुरक्षित गर्ने आज सोमबार अन्तिम दिन रहेको छ।

कम्पनीले ८० प्रतिशत हकप्रद शेयर निष्काशन र गरिमा समृद्धि योजनाले ५.१० प्रतिशत नगद लाभांश वितरणका लागि भोली साउन २७ गते बुकक्लोज गर्ने भएको हो।

यस अनुसार आजसम्म नेप्सेमा कारोबार भई कायम सिटि होटलका शेयरधनीहरूले हकप्रद शेयरमा आवेदन दिन सक्नेछन्। त्यस्तै, गरिमा समृद्धि योजनाका इकाईधनीहरूले लाभांश प्राप्त गर्न सक्नेछन्।

सिटि होटलले हालको चुक्ता पूँजीको ८० प्रतिशत बराबर प्रतिशेयर १०० रुपैयाँ अंकित मूल्यका १ अर्ब ३३ करोड ९२ लाख रुपैयाँ बराबरका १ करोड ३३ लाख ९२ हजार कित्ता हकप्रद शेयर निष्काशन गर्नेछ।

नेपाल धितोपत्र बोर्डले कम्पनीलाई साउन ४ गते हकप्रद शेयर निष्काशनको अनुमति दिएको थियो। यस हकप्रद शेयरको निष्काशन तथा बिक्री प्रबन्धक प्रभु क्यापिटल लिमिटेड रहेको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?