रमपम चाउचाउको आइपिओ आउदै, बिक्री प्रवन्धकका लागि हिमालयन सेक्युरिटिज सँग सम्झौता

काठमाडौं, साउन २८ गते। नेपालमा रमपम चाउचाउ लगायतका नुडल्स र स्न्याक्स उत्पादन तथा निर्यातमा अगाडि रहेको एशियन थाई फुड्स लिमिटेड (एटीएफ) ले आइपिओ निष्काशनको प्रकृयाँ अगाडी बढाएको छ। कम्पनीले यसका लागि हिमालय सेक्युरिटिज बैंकर लिमिटेड (एचएसबीएल) सँग इस्यु म्यानेजरको रूपमा सम्झौता गरेको छ।

यो रणनीतिक सहकार्य एटीएफको सार्वजनिक बजारमा औपचारिक प्रवेश हो, जसले कम्पनीको आगामी विस्तार योजनालाई थप गति दिने विश्वास गरिएको छ।

सम्झौतामा दुवै कम्पनीका उच्च पदस्थ व्यक्तिहरूको उपस्थिति रहेको थियो। एटीएफका तर्फबाट अध्यक्ष शिवरहरा शारदा, प्रबन्ध निर्देशक महेश जाजु, कार्यकारी निर्देशक राधेश्याम शारदा र निर्देशक आशिष जाजु उपस्थित थिए भने एचएसबीएलका तर्फबाट प्रमुख कार्यकारी अधिकृत सुभाष बी. श्रेष्ठ र उपमहाप्रबन्धक शंकर राईबहादुर उपस्थित थिए।

एटीएफको उत्पादन केन्द्रहरू विराटनगर र तौलिहरवा मा छन्, जहाँबाट रम्पुम, जेडपी, र प्रीति जस्ता चर्चित ब्रान्डहरू सहितका फास्ट मुभिङ कन्ज्युमर गुड्स (एफएमसीजी) ३० भन्दा बढी मुलुकहरूमा निर्यात गरिँदै आएको छ।

कम्पनीले आईपीओ मार्फत सर्वसाधारणको लगानी संलग्न गराई आन्तरिक उत्पादन क्षमता वृद्धिसँगै अन्तर्राष्ट्रिय बजार विस्तार गर्ने लक्ष्य लिएको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?